അകാലത്തിൽ പൊലിഞ്ഞപ്രിയ കൂട്ടുക്കാരനെ കുറിച്ച്കുറിപ്പെഴുതി ടിനി ടോം

സംഘടന രൂപീകരിക്കും: ദിലീപ്

കൊച്ചി:ഫിലിം എക്സിബിറ്റേഴ്സ് ഫെഡറേഷന്‍റെ നേതൃത്വത്തില്‍ നടന്നുവന്ന സിനിമാ സമരം പിന്‍വലിച്ചെങ്കിലും പുതിയസംഘടന എന്ന ലക്ഷ്യത്തില്‍ നിന്ന് പിന്നോട്ടില്ലെന്ന് ദിലീപ്. ഇതിനെ ഒരു പുതിയ കൂട്ടായ്മയായി കണ്ടാല്‍ മതി. നല്ല ഉദ്ദേശ്യത്തോടെയാണ് സംഘടന രൂപീകരിക്കുന്നത്. തിയേറ്ററുടമകളെ ഉള്‍പ്പെടുത്തി നിര്‍മ്മതാക്കളും വിതരണക്കാരും ചേര്‍ന്ന് ആരംഭിക്കുന്ന പുതിയ സംഘടനയുടെ ആദ്യ യോഗത്തിന് എത്തിയപ്പോഴായിരുന്നു താരത്തിന്‍റെ പ്രതികരണം.

 

സമരം നടത്തുന്നവര്‍ ആദ്യം മനസിലാക്കേണ്ടത് സിനിമ കാഴ്ചക്കാരന്‍റേതാണെന്നാണ്. എ ക്ളാസ് തീയറ്റര്‍ ഉടമകളുടെ സംഘടനയായ എക്സിബിറ്റേഴ്സ് 

ഫെഡറേഷന്‍ ചര്‍ച്ചയ്ക്ക് പോലും തയാറാകാതെ നിന്നതോടെയാണ് ഇത്രയും വലിയ പ്രതിസന്ധിയുണ്ടായത്. സിനിമാസമരം കലാകാരന്മാര്‍ക്ക് വളരെ ബുദ്ധിമുട്ട് ഉണ്ടാക്കി. 

പുതിയ സംഘടന സിനിമയെ സ്നേഹിക്കുന്നവരുടെ കൂട്ടായ്മയായിട്ട് മാത്രം കണ്ടാല്‍ മതിയെന്നും ഫെഡറേഷനിലെ ആളുകളെയും പുതിയ കൂട്ടായ്മയിലേക്ക് ക്ഷണിക്കുകയാണെന്നും ദിലീപ് പറഞ്ഞു.

 

ഫെഡറേഷനിലെ അംഗങ്ങളെയും സ്നേഹിക്കുകയും ബഹുമാനിക്കുകയും ചെയ്യുന്നുണ്ട്. 

എന്നാല്‍ തിയേറ്റര്‍ അടച്ചിട്ടുള്ള സമരത്തോട് ഒരുകാരണവശാലും യോജിക്കാന്‍ കഴിയില്ള. നമ്മള്‍ സംസാരിക്കുന്നത് ആവശ്യത്തിന് വേണ്ടിയാകണമെന്നും

ആര്‍ത്തിക്ക് വേണ്ടിയാകരുതെന്നും ദിലീപ് പറഞ്ഞു. തന്നെ കളളപ്പണക്കാരന്‍ എന്നുവിളിച്ചതിനെ പുച്ഛിച്ചുതളളുന്നുവെന്നും ദിലീപ് കൂട്ടിച്ചേര്‍ത്തു.

 

ഫിലിം എക്സിബിറ്റേഴ്സ് ഫെഡറേഷനെ തകര്‍ക്കാന്‍ ദിലീപ് ശ്രമിക്കുന്നുവെന്നും ദിലീപ് കളളപ്പണക്കാരനാണെന്നും ഫിലിം എക്സിബിറ്റേഴ്സ് ഫെഡറേഷന്‍ പ്രസിഡന്‍റ് ലിബര്‍ട്ടി ബഷീര്‍ 

കഴിഞ്ഞദിവസം ആരോപിച്ചിരുന്നു.