ഓടുന്ന ബസ്സിൽനിന്നും ഡ്രൈവറെ വലിച്ചിറക്കി മർദ്ധിച്ചു -

ഓടുന്ന ബസ്സിൽനിന്നും ഡ്രൈവറെ വലിച്ചിറക്കി മർദ്ധിച്ചു - വട്ടപ്പറമ്പിൽ കടയിലേക്കു ബസിടിച്ചു കയറിയത്യാത്രക്കാരന്റെ സമയോചിതമായ ഇടപെടൽ വഴിമാറിയത് വൻദുരന്തം ചട്ടിപ്പറമ്പിനടുത്ത വട്ടപ്പറമ്പിൽ നടന്നത് സിനിമകഥകളെ വെല്ലുന്ന സംഭവങ്ങൾ
====================================
ചട്ടിപ്പറമ്പ് : ഓടുന്നബസ്സിൽനിന്നും ഡ്രൈവറെ വലിച്ചിറക്കി മർദിച്ചു .കോട്ടക്കൽ -പെരിന്തൽമണ്ണ റോഡിൽ ചട്ടിപ്പറമ്പിനടുത്ത് വട്ടപ്പറമ്പിൽ ഇന്ന് വൈകിട്ട് അഞ്ചുമണിയോടെയാണ് സിനിമകഥകളെ വെല്ലുന്ന തരത്തിലുള്ള സംഭവങ്ങൾ അരങ്ങേറിയത് കോട്ടക്കൽ നിന്നും പുറപ്പെട്ട സ്വകാര്യ ബസ്സ് ഇതേവഴിയിൽ സഞ്ചരിച്ചിരുന്ന വാഗണർ കാറിലുരസിയതോടെയാണ് സംഭവങ്ങളുടെ തുടക്കം. ബസ്സിനെ വഴിയിലുടനീളം തടസ്സപ്പെടുത്തിയ കാർയാത്രികർ വട്ടപ്പറമ്പിൽ യാത്രക്കാരെ കയറ്റാൻ നിറുത്തിയ ബസ്സിന്‌ മുന്നിൽ തടസ്സം സൃഷ്ടിച്ചത് മറികടക്കാനൊരുങ്ങിയ ബസ്സ് ഡ്രൈവറെ ബസ്സിനുള്ളിൽ നിന്നും വലിച്ചു പുറത്തിട്ട് മർദ്ധിക്കുകയായിരുന്നെത്രെ . ഡ്രൈവറെ വലിച്ചു പുറത്തിട്ടതോടെ നിയന്ത്രണം വിട്ട ബസ്സ് നിരങ്ങിനീങ്ങി അടുത്ത കടകളിലേക്ക് ഇടിച്ചു കയറിയെങ്കിലും യാത്രക്കാരിലൊരാൾ ബസ്സിൻറെ നിയന്ത്രണം ഏറ്റെടുത്തു പരിഭ്രാന്തരായ യാത്രക്കാരുടെ നിലവിളികേട്ട് മർദ്ധിക്കാനൊരുങ്ങിയവർ ഓടിരക്ഷപെട്ടെങ്കിലും നാട്ടുകാരിടപെട്ട് ഇവരിലൊരാളെ പിടികൂടി.മലപ്പുറം -കോട്ടക്കൽ ഭാഗങ്ങളിൽ നിന്നുള്ള പോലീസുകാർ ഇടപെട്ട് പിടികൂടിയ ആളെ പോലീസ് സ്റ്റേഷനിലേക്ക് മാറ്റാനൊരുങ്ങിയെങ്കിലും സംഭവം അറിഞ്ഞതോടെ വട്ടപ്പറമ്പിൽ നാട്ടുകാർ സംഘടിച്ചു മറ്റുള്ളവരെ കിട്ടാതെ കിട്ടിയവനെ വിട്ടുതരില്ലെന്ന നിലപാടെടുത്തത് പൊലീസിന് തലവേദന സൃഷ്ടിച്ചു . കാർയാത്രക്കാർ മദ്യലഹരിയിലായിരുന്നെന്ന് പറയപ്പെടുന്നു രാത്രി വൈകിയും പ്രദേശത്ത് ആളുകൾ സംഘടിച്ചു നിൽക്കുകയാണെന്ന് റിപ്പോർട്ടുകൾ പറയുന്നു കോട്ടക്കൽ -പെരിന്തൽമണ്ണ -പട്ടാമ്പി റൂട്ടിൽ ഓടുന്ന സ്വകാര്യ ബസ്സിന്‌ നേരെയാണ് അതിക്രമം ഉണ്ടായതെന്ന് ദൃക്സാക്ഷികൾ പറഞ്ഞു