മകന്റെ കൊലപാതകം സിബിഐ അന്വോഷിക്കണം .ഷുഐബിന്റെ പിതാവ്

കണ്ണൂര്: യൂത്ത് കോണ്ഗ്രസ് നേതാവ് എടയന്നൂരിലെ ശുഹൈബിന്റെ കൊലപാതകത്തില് പ്രതികളെ കണ്ടെത്താനാകാതെ പൊലീസ്. കൊലപാതകം നടന്ന് നാല് ദിവസം പിന്നിട്ടിട്ടും ഒരാളെപ്പോലും കസ്റ്റഡിയില് എടുക്കാന് പൊലീസിന് കഴിഞ്ഞിട്ടില്ല. പരോളില് ഇറങ്ങിയവരെ കേന്ദ്രീകരിച്ച് അന്വേഷണം നടത്താനാണ് പൊലീസിന്റെ നീക്കം.അതേസമയം, പൊലീസിനെതിരെ രൂക്ഷവിമര്ശനവുമായി ശുഹൈബിന്റെ പിതാവ് മുഹമ്മദ് രംഗത്തെത്തി. പൊലീസിന്റെ അന്വേഷണം തൃപ്തികരമല്ലെന്നും കേസ് സിബിഐ അന്വേഷിക്കണമെന്നും അദ്ദേഹം ആവശ്യപ്പെട്ടു. കൊലപാതകം നടന്ന് അഞ്ച് ദിവസമായിട്ടും പ്രതികളെ പിടികൂടാത്തതെന്താണെന്ന് അദ്ദേഹം ചോദിച്ചു.ഫെബ്രുവരി 12 ന് രാത്രിയോടെയാണ് ശുഹൈബിനെ ഒരു സംഘം ആളുകള് ബോംബെറിഞ്ഞതിന് ശേഷം വെട്ടിക്കൊലപ്പെടുത്തിയത്. കൊലപാതകത്തിന് പിന്നില് സിപിഐഎം ആണെന്നാണ് കോണ്ഗ്രസ് ആരോപിക്കുന്നത്. കൊലപാതകത്തിന് മുന്നോടിയായി 19 പേര്ക്ക് പരോള് ലഭിച്ചെന്നും ഇവരാണ് കൃത്യം നടത്തിയതെന്നുമാണ് കഴിഞ്ഞ ദിവസം പ്രതിപക്ഷനേതാവ് രമേശ് ചെന്നിത്തല അഭിപ്രായപ്പെട്ടത്.