അകാലത്തിൽ പൊലിഞ്ഞപ്രിയ കൂട്ടുക്കാരനെ കുറിച്ച്കുറിപ്പെഴുതി ടിനി ടോം

ആണായാലും പെണ്ണായാലും ദേഹത്തുരസിയുള്ള സെല്‍ഫി വേണ്ട; യേശുദാസ് പറയുന്നു

  

തൊട്ടുരുമ്മിയുള്ള സെല്‍ഫിക്കെതിരെ ഗായകന്‍ യേശുദാസ്. ആണായാലും പെണ്ണായാലും ദേഹത്തുരസിയുള്ള സെല്‍ഫി വേണ്ടെന്ന് യേശുദാസ് പറയുന്നു. എണ്‍പതുകള്‍ക്ക് മുന്‍പ് ഒരു പെണ്‍കുട്ടി വന്ന് ഒരു ഫോട്ടോ എടുത്തോട്ടെ എന്ന് ചോദിക്കാറില്ലായിരുന്നു. അതായിരുന്നു അടക്കവും ഒതുക്കവും.

ഇത് കുറ്റപ്പെടുത്തലല്ല. ഇത് എന്റെ ഭാര്യ, മകള്‍ എന്ന് ഒരാള്‍ പരിചയപ്പെടുത്തിയാല്‍ത്തന്നെയും അവര്‍ അകലം പാലിക്കുമായിരുന്നു യേശുദാസ് പറഞ്ഞു. ഇന്ന് അങ്ങനെയല്ലെന്ന് യേശുദാസ് അഭിപ്രായപ്പെട്ടു. സെല്‍ഫി വന്നതോടെ തൊട്ടുരുമ്മിനിന്ന് ഫോട്ടോയെടുക്കണം. അത് പറ്റില്ലെന്ന് ഞാന്‍ ആണിനേയും പെണ്ണിനേയും വിലക്കി. ഒപ്പം നിന്ന് ഫോട്ടോ എടുക്കുന്നതില്‍ വിരോധമില്ല. ദേഹത്തുരസിയുള്ള സെല്‍ഫി വേണ്ട.

സ്ത്രീകള്‍ ജീന്‍സ് ധരിക്കുന്നതിനെതിരെ യേശുദാസ് നടത്തിയ പരാമര്‍ശം നേരത്തെ വന്‍വിവാദങ്ങള്‍ക്ക് വഴിവെച്ചിരുന്നു. സ്ത്രീകള്‍ ജീന്‍സ് ധരിച്ച് മറ്റുള്ളവരെ വിഷമിപ്പിക്കരുത്. മറച്ചുവെക്കേണ്ടത് മറച്ചുവെക്കുക തന്നെവേണം. മറ്റുള്ളവര്‍ക്ക് ആകര്‍ഷണ ശക്തികൊടുത്ത് വേണ്ടാതീനം ചെയ്യിക്കാന്‍ ശ്രമിക്കരുത്. ഇതായിരുന്നു യേശുദാസിന്റെ വിവാദമായ പ്രസ്താവന. 2014 ലെ ഗാന്ധിജയന്തി ദിനത്തിലായിരുന്നു ഈ പ്രസ്താവന നടത്തിയത്