ഓപണിംഗ് ഇറങ്ങിയ നായകന്‍ വിരാട് കോഹ്ലിയെ ഇന്ത്യയ്ക്ക് തുടക്കത്തില്‍ നഷ്ടമായെങ്കിലും പിന്നീടങ്ങോട്ട് വന്നവരെല്ലാം ആക്രമിച്ചു കളിച്ചു. ടീം സ്‌കോര്‍ നാലില്‍ എത്തി നില്‍ക്കെ രണ്ട് റണ്‍സെടുത്ത കോഹ്ലി റണ്ണൗട്ടാവുകയായിരുന്നു. രണ്ടാമനായി ഇറങ്ങിയ സുരേഷ് റെയ്‌ന (63) ഇംഗ്ലണ്ടിന്റെ ബൗളിങ് നിരയെ അടിച്ചുപരത്തി. അഞ്ച് സിക്‌സറുകളായിരുന്നു റെയ്‌നയുടെ ബാറ്റില്‍ നിന്നും പിറന്നത്. 65ല്‍ എത്തി നില്‍ക്കെയാണ് ഇന്ത്യയ്ക്ക് രണ്ടാം വിക്കറ്റ് നഷ്ടമായത്. സ്റ്റോക്‌സിന്റെ പന്തില്‍ കെ രാഹുല്‍ (22) ക്ലീന്‍ ബൗള്‍ഡാവുകയായിരുന്നു. നാലാമനായി ഇറങ്ങിയ ധോണിയും റെയ്‌നക്കൊപ്പം വെടിക്കെട്ട് തുടങ്ങിയതോടെ സ്‌കോര്‍ അതിവേഗം ഉയര്‍ന്നു.
120ല്‍ നില്‍ക്കെയാണ് ഇന്ത്യയ്ക്ക് റെയ്‌നയുടെ വിക്കറ്റ് നഷ്ടമായത്. പിന്നീട് ക്രീസിലെത്തിയ യുവരാജും (27) ആരാധകരെ നിരാശരാക്കിയില്ല. 18-ാം ഓവറില്‍ മൂന്ന് സിക്‌സറുകളാണ് യുവരാജ് പറത്തിയത്. ഹാര്‍ദിക് പാണ്ഡ്യ 11 റണ്‍സെടുത്തു. ആര്‍ ആര്‍ പാണ്ഡ് ആറു റണ്‍സെടുത്ത് പുറത്താകാതെ നിന്നു.
മറുപടി ബാറ്റിംഗിനിറങ്ങിയ ഇംഗ്ലണ്ടിന് സ്‌കോര്‍ എട്ടില്‍ നില്‍ക്കെ ബില്ലിങ്‌സിന്റെ (പൂജ്യം) വിക്കറ്റ് നഷ്ടമായി. പിന്നീട് ഇംഗ്ലണ്ട് സ്‌കോറിങിന്റെ വേഗത കൂട്ടി. എന്നാല്‍ 55ല്‍ നില്‍ക്കെ സന്ദര്‍ശകര്‍ക്ക് രണ്ടാം വിക്കറ്റ് നഷ്ടമായി. 32 റണ്‍സെടുത്ത റോയ് ആണ് പുറത്തായത്. എന്നാല്‍ മൂന്നാം വിക്കറ്റിലെ ജോ റൂട്ട് - മോര്‍ഗന്‍ (40) സഖ്യം ഇംഗ്ലണ്ടിനെ ജയത്തിലേക്കെത്തിക്കുമെന്ന തോന്നിപ്പിച്ചെങ്കിലും ടീം സ്‌കോര്‍ 119ല്‍ നില്‍ക്കെ മോര്‍ഗനും കൂടാരം കയറിയതോടെ ഇംഗ്ലീഷ് പടയുടെ പതനം തുടങ്ങി. 119ല്‍ തന്നെ നാലും അഞ്ചും വിക്കറ്റ് നഷ്ടമായതോടെ ഇംഗ്ലണ്ട് തോല്‍വിയുറപ്പിച്ചു. പിന്നീടങ്ങോട്ട് വിക്കറ്റുകള്‍ ഓരോന്ന് വീണതോടെ ഇംഗ്ലണ്ടിന് നാണംകെട്ട തോല്‍വി. എട്ട് റണ്‍സെടുക്കുന്നതിനിടെയാണ് ഇംഗ്ലണ്ടിന് അവസാന എട്ട് വിക്കറ്റുകള്‍ നഷ്ടമായത്.
നേരത്തെ ടെസ്റ്റ് പരമ്പര 4 - 0നും, ഏകദിന പരമ്പര 2 - 1നും ഇന്ത്യ സ്വന്തമാക്കിയിരുന്നു. ട്വന്റി -20 പരമ്പരയിലും ദയനീയമായി തോറ്റതോടെ നാണക്കേടോടെയാണ് ഇംഗ്ലീഷ് ടീം ഇന്ത്യയില്‍ നിന്നും മടങ്ങുന്നത്
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ
Thank You...Visit again...
thank you for visiting this site..