അകാലത്തിൽ പൊലിഞ്ഞപ്രിയ കൂട്ടുക്കാരനെ കുറിച്ച്കുറിപ്പെഴുതി ടിനി ടോം

 അന്ത്യ മുത്തം നൽകി അവസാന യാത്ര

അന്ത്യ മുത്തം നൽകി അവസാന യാത്ര....

'എനിക്കൊന്ന് കൂടി മുനവ്വർ മോനെ മുത്തം വെക്കണം' കൊപ്പനക്കൽ തറവാടിന്റെ ഗൃഹ പ്രവേശന ചടങ്ങിൽ പങ്കെടുത്ത് ഞായറാഴ്ച വീട്ടിൽ നിന്നിറങ്ങി, അൽപം മുന്നോട്ട് പോയ അഹ്മദ് സാഹിബ് വീണ്ടും തന്റെ ശാരീരിക അവശതകളൊന്നും വകവെക്കാതെ ഏറെ പ്രയാസപ്പെട്ട് പിന്നോട്ട് തന്നെ നടന്ന് അവസാനമായി വൽസല്യ നിധിയായ ഒരു പിതാവിനെ പോലെ ഒന്ന് മുത്തം വെച്ചു., അതും മതിയായില്ല എന്ന് തോന്നിയ അദ്ദേഹം ഒന്നുകൂടി ചുംബിക്കണമെന്ന് പറഞ്ഞ് വീണ്ടും മുത്തം വെച്ച് കൊടപ്പനക്കൽ മുറ്റത്ത് നിന്ന് യാത്ര പറഞ്ഞ് തിരിച്ചപ്പോൾ അഹ്മദ് സാഹിബിന്റെ ആ യാത്ര അന്ത്യയാത്രയാകുമെന്ന് ഞാൻ ഒരിക്കലും നിനച്ചില്ല.
എനിക്ക് കുറച്ച് സമയം കൂടി ഇവിടെ ഇരിക്കണം എന്ന് പറഞ്ഞ അഹ്മദ് സാഹിബ് ബിരിയാണിയും ഊണുമെല്ലാം വയറു നിറയെ കഴിച്ച് ,താൻ ജീവനു തുല്യം സ്നേഹിക്കുന്ന എളാപ്പ ഹൈദരലി തങ്ങൾ മുതൽ കുടുംബത്തിലെ ഇളം തലമുറകളെ വരെ മനം കുളിർക്കെ നോക്കി കണ്ട് സൗഹൃദ സംഭാഷണങ്ങൾ നടത്തി ഏറെ സന്തുഷ്ടനായാണ് മടങ്ങിയത്.

ഭാരതത്തിന്റെ ധീരപുത്രനായി, ശബ്ദമില്ലാത്തവരുടെ ശബ്ദമായി ലോകം മുഴുവൻ മുഴങ്ങിക്കേണ്ട ആ ധീര ശബ്ദം ഇനി പാർലമെന്റിൽ മുഴങ്ങില്ല ... പക്ഷെ ന്യുനപക്ഷ രക്ഷക്കായി ഒരു പുരുഷായുസ് മുഴുവൻ ഉഴിഞ്ഞ് വെച്ച പ്രിയനേതാവ് ജനഹൃദയങ്ങളിൽ ഉജ്വല താരകമായി ജ്വലിച്ചു നിൽക്കും.

അന്ത്യ ശ്വാസം വരെ ഇന്ത്യൻ മുസ്ലിം ന്യുനപക്ഷ അവകാശ പോരാട്ടങ്ങളിൽ അന്തസ്സോടെ
നെടു നായകത്വം വഹിച്ച പകരക്കാരനില്ലാത്ത ലോക നേതാവായിരുന്നു അദ്ദേഹം. ജീവിതാഭിലാഷമെന്നോണം താൻ അവകാശ പോരാട്ടങ്ങൾ നടത്തിയ തന്റെ കർമ്മ മണ്ഡലമായ പാർലമെന്റിന്റെ ശ്രീകോവിലിൽ തന്നെ തന്റെ ഉജ്വലമായ ജീവിതാധ്യായം അവസാനിപ്പിച്ചു !

കഴിഞ്ഞ ഡിസംബർ 26 ന് അവസാനമായി അദ്ദേഹം ഫേസ് ബുക്കിൽ പോസ്റ്റ് ചെയ്തത് യൂത്ത് ലീഗ് ഭാരവാഹികളായ എനിക്കും സഹപ്രവർത്തകർക്കും അഭിവാദ്യമർപ്പിച്ച് കൊണ്ടാണ്. ആ കലർപ്പില്ലാത്ത സ്നേഹത്തിന്റെയും പരിലാളനയുടെയും ഇഴയടുപ്പമാണ് ഇതെല്ലാം വിളിച്ചോതുന്നത്.

അഭിവന്ദ്യ നേതാവേ വിട....
ഇന്ത്യൻ രാഷ്ട്രീയ ചരിത്രത്തിലെ അവിസ്മരണീയ അധ്യായമായിരുന്ന ഇ അഹമ്മദ് സാഹിബ് ഇനി അമര നാമമായി ജനമനസ്സുകളിൽ മുഴങ്ങും..

ഖബർ ജീവിതം ധന്യമാക്കി സ്വർഗം നൽകി അനുഗ്രഹിക്കണേ നാഥാ