അകാലത്തിൽ പൊലിഞ്ഞപ്രിയ കൂട്ടുക്കാരനെ കുറിച്ച്കുറിപ്പെഴുതി ടിനി ടോം

പ്രതികൂല കാലാവസ്ഥയില്‍ ഇനി വിമാനം തിരിച്ചു വിടേണ്ട; കോഴിക്കോട് വിമാനത്താവളത്തില്‍ പുതിയ ലാന്‍ഡിംഗ് സംവിധാനം ഒരുങ്ങി

കോഴിക്കോട്: കോഴിക്കോട് വിമാനത്താവളത്തില്‍ പുതിയ ലാന്‍ഡിംഗ് സംവിധാനം ഒരുങ്ങി. റണ്‍വേയുടെ കൃത്യത മനസിലാക്കി വിമാനം ഇറക്കാന്‍ സഹായിക്കുന്ന ഇന്‍സ്ട്രമെന്റല്‍ ലാന്‍ഡിങ്ങ് സിസ്റ്റത്തിന്റെ പ്രവര്‍ത്തനം അടുത്ത മാസത്തോടെ ആരംഭിക്കും.പ്രതികൂല കാലവസ്ഥയില്‍ വിമാനങ്ങള്‍ തിരിച്ചു വിടേണ്ട നിലവിലെ അവസ്ഥയ്ക്ക് പുതിയ ലാന്‍ഡിംഗ് സംവിധാനത്തോടുകൂടി പരിഹാരമാകും.

കോഴിക്കോട് വിമാനത്താവളത്തിന്റെ നവീകരിച്ച റണ്‍വ്വേ തുറന്നു കൊടുക്കുമെന്ന പ്രഖ്യാപത്തിന് പിന്നാലെയുള്ള ഈ പുതിയ സംവിധാനം വിമാനകമ്പനികള്‍ക്ക് ഏറെ ആശ്വാസകരമായ നടപടിയാണ്. ഐഎല്‍എസ് ഉണ്ടായിട്ടു പോലും ഉണ്ടായിട്ടു പോലും പ്രതികൂല കാലവസ്ഥയില്‍ വിമാനങ്ങള്‍ തിരിച്ചു വിടേണ്ട അവസ്ഥയുണ്ടായിട്ടുണ്ട്. റണ്‍വേയുടെ കൃത്യത മനസിലാക്കി വിമാനം ഇറക്കാന്‍ സാധിക്കുമെന്നതാണ് ഈ സംവിധാനത്തിന്റെ പ്രത്യേകത ഐഎല്‍എസ് ഈ പ്രശ്‌നങ്ങള്‍ക്കെല്ലാം പുതിയ ലാന്‍ഡിംഗ് സംവിധാനത്തോടുകൂടി പരിഹാരമാകും.

രണ്ടരകോടി രൂപ ചെലവിട്ട് വിദേശത്ത് നിന്നാണ് പുതിയ ഐഎല്‍എസ് ഇറക്കുമതി ചെയ്തിരിക്കുന്നത്. ന്യൂഡല്‍ഹിയില്‍ നിന്നെത്തിയ സംഘം പരിശോധന നടത്തി റിപ്പോര്‍ട്ട് സമര്‍ച്ചതിന്റെ അടിസ്ഥാനത്തിലാണ് ഇന്‍സ്ട്രമെന്റല്‍ ലാന്‍ഡിങ്ങ് സിസ്റ്റത്തിന് കേന്ദം പ്രവര്‍ത്തനാനുമതി നല്‍കിയത്. കോഴിക്കോട് വിമാനത്താവളത്തിലെ കമ്മ്യൂണിക്കേഷന്‍ വിഭാഗത്തിന്റെ നേതൃത്വത്തിലാണ് ഐഎല്‍എസിന്റെ പണികള്‍ പൂര്‍ത്തീകരിക്കുന്നത്. വിമാന ഗതാഗത നിയന്ത്രണ വിഭാഗത്തിന്റെ മേല്‍നാട്ടത്തിലാകും പുതിയ ലാന്‍ഡിംഗ് സംവിധാനത്തിന്റെ പ്രവര്‍ത്തനം നടക്കുക. മാര്‍ച്ച് രണ്ടിന് ഐഎല്‍എസിന്റെ പ്രവര്‍ത്തനം ആരംഭിക്കും.