ലോ അക്കാഡമിയില്‍ വിദ്യാര്‍ഥിയുടെ ആത്മഹത്യാഭീഷണി

തിരുവനന്തപുരം: ലോ അക്കാഡമി സമരം 28 ദിനം പിന്നിട്ടതോടെ വിദ്യാര്‍ഥികള്‍ സമരം ശക്തമാക്കി. അക്കാദമിയുടെ സമീപത്ത് പേരൂര്‍ക്കട ജംഗ്ഷനിലെ മരത്തിന് മുകളില്‍ കയറിയിരുന്നാണ് മൂന്നാം വര്‍ഷ എല്‍എല്‍.ബി. വിദ്യാര്‍ഥി ഷിമിത് ഭീഷണി മുഴക്കുന്നത്. മരത്തിന് മുകളില്‍ കയറി കഴുത്തില്‍ കുരുക്കിട്ട് ഇരിക്കുകയാണ് വിദ്യാര്‍ഥി. ലക്ഷ്മി നായര്‍ രാജിവെക്കണമെന്നാണ് ആവശ്യം. ബാക്കി വിദ്യാര്‍ഥികള്‍ മരത്തിന് ചുറ്റും കുത്തിയിരുന്ന് മുദ്രാവാക്യം വിളിക്കുകയാണ്. താഴെയിറങ്ങണമെന്ന് ജില്ലാ ഭരണകൂടം ആവശ്യപ്പെട്ടുവെങ്കിലും പ്രശ്നത്തിന് പരിഹാരമുണ്ടാകാതെ താഴെയിറങ്ങില്ലെന്നാണ് ഷിമിത് പറയുന്നത്. വന്‍ പോലീസ് സംഘവും അഗ്‌നിശമന സേനയും സ്ഥലത്തെത്തിയിട്ടുണ്ട്. വിദ്യാര്‍ഥിയെ അനുനയിച്ച് താഴെയിറക്കാനാണ് പോലീസിന്റെ ശ്രമം. വിദ്യാര്‍ഥിയുടെ കൈയില്‍ ഒരു ബാഗുമുണ്ട്. ഇതില്‍ വിഷക്കുപ്പി ഉണ്ടെന്നാണ് മറ്റ് വിദ്യാര്‍ഥികള്‍ പറയുന്നത്