കൊച്ചി: സഹപ്രവര്‍ത്തകയ്ക്ക് നേരെയുണ്ടായ അതിക്രമത്തില്‍ പ്രതിഷേധിച്ച് സിനിമാ പ്രവര്‍ത്തകര്‍ കൊച്ചിയില്‍ പ്രതിഷേധയോഗം നടത്തി. എറണാകുളം ദര്‍ബാര്‍ ഹാള്‍ ഗ്രൗണ്ടിലാണ് പ്രതിഷേധ സംഗമം നടന്നത്. സിനിമാ താരങ്ങളുടെ കൂട്ടായ്മയായ അമ്മയുടെ നേതൃത്വത്തിലാണ് യോഗം. അമ്മ പ്രസിഡന്റ് ഇന്നസെന്റ്, മമ്മൂട്ടി, ദിലീപ്‌, സംവിധായകരായ രഞ്ജിത്ത്, സിബി മലയില്‍, താരങ്ങളായ ദേവന്‍, മഞ്ജുവാര്യര്‍, ഗീതു മോഹന്‍ദാസ് തുടങ്ങിയവര്‍ യോഗത്തില്‍ പങ്കെടുത്തു. കൂടാതെ ഹൈബി ഈഡന്‍ എം എല്‍ എയും , സി പി എം ജില്ലാ സെക്രട്ടറി പി രാജീവും പ്രതിഷേധ സംഗമത്തിന് പിന്തുണയുമായെത്തി. കേസന്വേഷണം ശരിയായ രീതിയിലാണ് നടക്കുന്നതെന്ന് ഇന്നസെന്റ് പറഞ്ഞു. പ്രതികളെ എല്ലാവരെയും ഉടന്‍ പിടികൂടുമെന്നാണ് പ്രതീക്ഷയെന്നും അദ്ദേഹം കൂട്ടിച്ചേര്‍ത്തു.
ശനിയാഴ്ച പുലര്‍ച്ചെയാണ് നടി ആക്രമിക്കപ്പെട്ടത്. തൃശ്ശൂരില്‍ നിന്ന് എറണാകുളത്തേക്കുള്ള യാത്രാമധ്യേ കാറില്‍ അതിക്രമിച്ചുകയറി ശാരീരികമായി ഉപദ്രവിക്കാന്‍ ശ്രമിക്കുകയും ചിത്രങ്ങളെടുക്കുകയുമായിരുന്നു. സംഭവത്തില്‍ മൂന്ന് പേരെ പോലീസ് അറസ്റ്റ് ചെയ്തിട്ടുണ്ട്. ഒന്നാം പ്രതി പള്‍സര്‍ സുനി ഇപ്പോഴും ഒളിവിലാണ്. ഇയാളടക്കം നാല് പേരെയാണ് കേസില്‍ ഇനി പിടികൂടാനുള്ളത്. പ്രതികള്‍ ഇന്നോ നാളെയോ പിടിയിലാകുമെന്നാണ് പോലീസ് അറിയിച്ചത്
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ
Thank You...Visit again...
thank you for visiting this site..