അഞ്ഞൂറിന്റെ കള്ളനോട്ട് വ്യാപകം

അഞ്ഞൂറിന്റെ കള്ളനോട്ട് വ്യാപകം

ഒന്നാം പേജ് / ലേറ്റസ്റ്റ് / കേരളം അഞ്ഞൂറിന്റെ കള്ളനോട്ട് വ്യാപകംMay 10, 2017, 11:19 amകു​മ​ളി: അഞ്ഞൂറിന്റെ പുതുപുത്തൻ കള്ളൻ വിലസുന്നു, ജനം ആശങ്കയിൽ. ഒറിജിനലിനെ വെല്ലുന്ന വ്യാജൻ എത്തിയതോടെ ഏത് നോട്ടാണ് ഒറിജിനലെന്ന് കണ്ടെത്താൻ കഴിയാതെ ജനം വലയുകയാണ്. വ​ണ്ടി​പ്പെ​രി​യാ​റിൽ തി​ങ്ക​ളാ​ഴ്ച പൊ​ലീ​സ് പി​ടി​യി​ലായ നെ​ടു​ങ്ക​ണ്ടം പാ​റ​ത്തോ​ട് സ്വ​ദേ​ശി ജോ​ജോ ജോ​സ​ഫ് അ​ന്തർ​സം​സ്ഥാന ബ​ന്ധ​മു​ള്ള ക​ള്ള​നോ​ട്ട് സം​ഘ​ത്തി​ലെ ക​ണ്ണി​യാ​ണെ​ന്ന് പൊ​ലീ​സ് കണ്ടെത്തിയിട്ടുണ്ട്. ഇയാളുടെ നേതൃത്വത്തിലുള്ള സംഘം ഇതിനോടകം ലക്ഷങ്ങളുടെ കള്ളനോട്ടുകൾ വിതരണം ചെയ്തതായി പൊലീസിന് സൂചന ലഭിച്ചിട്ടുണ്ട്. ഇ​യാ​ളു​ടെ തൃ​പ്പൂ​ണി​ത്തു​റ​യി​ലെ ഫ്ലാ​റ്റിൽ​നി​ന്ന് നാ​ല​ര ​ല​ക്ഷ​ത്തോ​ളം രൂ​പ​യു​ടെ വ്യാജ അ​ഞ്ഞൂ​റ് രൂപ നോ​ട്ടു​കൾ ഇന്നലെ പൊ​ലീ​സ് ക​ണ്ടെ​ത്തിയിരുന്നു. ക​ഴി​ഞ്ഞ​ദി​വ​സം രാ​ത്രി​യാ​ണ് അ​ഞ്ഞൂ​റ് രൂ​പ​യു​ടെ ക​ള്ള​നോ​ട്ടു​മാ​യി ജോ​ജോ ഭാ​ര്യ​യ്ക്കും കു​ഞ്ഞി​നു​മൊ​പ്പം പി​ടി​യി​ലാ​യ​ത്. കു​ട്ടി​ക്കാ​ന​ത്തെ പെ​ട്രോൾ​പ​മ്പിൽ ഇ​വർ സ​ഞ്ച​രി​ച്ചി​രു​ന്ന കാ​റിൽ 500 രൂ​പ​യു​ടെ ഇ​ന്ധ​നം നി​റ​ച്ചു. നോ​ട്ട് വാ​ങ്ങി പ​രി​ശോ​ധി​ച്ച പ​മ്പി​ലെ ജീ​വ​ന​ക്കാർ​ക്ക് സം​ശ​യം തോ​ന്നി വാ​ഹ​നം നി​റു​ത്താൻ ആ​വ​ശ്യ​പ്പെ​ട്ടെ​ങ്കി​ലും നി​റു​ത്താ​തെ കു​മ​ളി ഭാ​ഗ​ത്തേ​ക്ക് കാർ വേ​ഗ​ത്തിൽ ഓ​ടി​ച്ചു​പോ​യി. പ​മ്പ് അ​ധി​കൃ​തർ അ​റി​യി​ച്ച​തി​നെ​ത്തു​ടർ​ന്ന് പീ​രു​മേ​ട് പൊ​ലീ​സ് വാ​ഹ​നം കൈ കാ​ണി​ച്ചെ​ങ്കി​ലും നി​റു​ത്തി​യി​ല്ല. വ​ണ്ടി​പ്പെ​രി​യാർ പൊ​ലീ​സ് ന​ട​ത്തിയ പ​രി​ശോ​ധ​ന​യിൽ പെ​രി​യാർ ടൗ​ണിൽ വ​ച്ച് വാ​ഹ​നം ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു. തു​ടർ​ന്നുള്ള ചോദ്യം ചെയ്യലിൽ ഇയാളുടെ പക്കൽ കൂടുതൽ കള്ളനോട്ടുകൾ ഉള്ളതായി അറിവായി. തുടർന്ന് ജോജോയെയും കൂട്ടി എ​റ​ണാ​കു​ള​ത്ത് ഫ്ലാ​റ്റിൽ ന​ട​ത്തിയ പ​രി​ശോ​ധ​ന​യി​ലാ​ണ് അ​ഞ്ഞൂ​റി​ന്റെ ക​ള്ള​നോ​ട്ട് ശേ​ഖ​രം ക​ണ്ടെ​ത്തി​യ​ത്. പു​തിയ അ​ഞ്ഞൂ​റ് രൂപ നോ​ട്ടു​കൾ റി​സർ​വ് ബാ​ങ്ക് പു​റ​ത്തി​റ​ക്കി​യ​തി​ന് ശേ​ഷം സം​സ്ഥാ​ന​ത്ത് ന​ട​ന്ന ഏ​റ്റ​വും വ​ലിയ ക​ള്ള​നോ​ട്ട് വേ​ട്ട​യാ​ണ് ഇ​ത്.

സം​സ്ഥാ​ന​ത്തി​ന് പു​റ​ത്തു​ള്ള ക​ള്ള​നോ​ട്ട് സം​ഘ​വു​മാ​യി ജോ​ജോ​യ്ക്ക് അ​ടു​ത്ത ബ​ന്ധ​മു​ള്ള​താ​യി ഇ​ടു​ക്കി ജി​ല്ലാ പൊ​ലീ​സ് മേ​ധാ​വി കെ.​ബി. വേ​ണു​ഗോ​പാൽ പ​റ​ഞ്ഞു. ഇ​യാ​ളു​ടെ ഇ​ട​പാ​ടു​ക​ളെ​ക്കു​റി​ച്ച് ഒ​പ്പ​മു​ണ്ടാ​യി​രു​ന്ന ഭാ​ര്യ​യ്ക്കും അ​റി​വു​ള്ള​താ​യി സം​ശ​യി​ക്കു​ന്നു. കേ​ര​ള​ത്തി​ന് പു​റ​ത്ത് അ​ച്ച​ടി​ച്ച നോ​ട്ടു​കൾ ഇ​ര​ട്ടി​പ്പി​ക്കു​ന്ന​തി​നാ​യി ഇ​വി​ടേ​യ്ക്ക് കൊ​ണ്ടു​വ​ന്ന​താ​ണെ​ന്നും മു​മ്പും ഇ​യാൾ ഉൾ​പ്പെ​ടു​ന്ന സം​ഘം കൂ​ടു​തൽ തുക ഈ രീ​തി​യിൽ സം​സ്ഥാ​ന​ത്ത് വി​ത​ര​ണം ചെ​യ്ത​താ​യി സം​ശ​യി​ക്കു​ന്നു. കൂ​ടു​തൽ പ്ര​തി​കൾ ഉ​ട​നെ പി​ടി​യി​ലാ​കു​മെ​ന്നാ​ണ് സൂ​ച​ന. പൊലീസ് അന്വേഷണം വ്യാപകമാക്കിയിട്ടുണ്ട്.