ഇന്ത്യ ന്യൂസിലാൻറ് പോരാട്ടത്തിനായി കാര്യവട്ടം ഒരുങ്ങി

*ഇന്ത്യ-ന്യൂസീലന്‍ഡ് പോരാട്ടത്തിനായി കാര്യവട്ടം ഒരുങ്ങി; ടീമുകള്‍ രാത്രിയെത്തും*

👉 ഇന്ത്യ-ന്യൂസീലന്‍ഡ് ട്വന്റി-20 പരമ്പരയിലെ അവസാന മത്സരത്തിനായി ടീമുകള്‍ ഞായറാഴ്ച നഗരത്തിലെത്തും. രാജ്കോട്ടില്‍നിന്നും ചാര്‍ട്ടര്‍ വിമാനത്തില്‍ രാത്രി 11.30-ന് എത്തുമെന്നാണ് അധികൃതര്‍ നല്‍കുന്ന വിവരം.
കോവളത്തെ ലീല ഹോട്ടലിലാണ് താമസസൗകര്യം ഒരുക്കിയിട്ടുള്ളത്. തിങ്കളാഴ്ച രാവിലെയും ഉച്ചയ്ക്കുമായി കാര്യവട്ടം സ്പോര്‍ട്സ് ഹബ്ബ് സ്റ്റേഡിയത്തില്‍ പരിശീലനത്തിനുള്ള സൗകര്യം ഒരുക്കിയിട്ടുണ്ട്. രാവിലെമുതല്‍ ഉച്ചവരെ ന്യൂസീലന്‍ഡ് ടീമിനും ഉച്ചയ്ക്കുശേഷം ഇന്ത്യന്‍ ടീമിനുമാണ് പരിശീലനത്തിന് സൗകര്യം ഒരുക്കിയിട്ടുള്ളത്.