മുജാഹിദ് സമ്മേളനത്തിൽ പണക്കാട് തങ്ങൻമാർ പങ്കെടുത്തത് നല്ല കാര്യം. ഡോ ഹുസൈൻ രണ്ടത്താണി

മുജാഹിദ് സമ്മേളനത്തിൽ പാണക്കാട്, തങ്ങൻമാർ പങ്കെടുത്ത സംഭവത്തിൽ ആരും  അമർഷം പൂണ്ടേതില്ലെന്ന് ഡോ ഹുസൈൻ രണ്ടത്താണി തന്റെ ഫെയ്സ് ബുക്ക് എക്കൗണ്ടിൽ കുറിച്ചു
ഫെയ്സ് ബുക്ക് പോസ്റ്റിന്റെ പൂർണ്ണ രൂപം⬇
[മുജാഹിദ് സമ്മേളനത്തിൽ പാണക്കാട് തങ്ങന്മാർ പങ്കെടുത്തത് നല്ല കാര്യമാണ്. അതിലാരും കുണ്ഠിതപ്പെടേണ്ട കാര്യവും ഇല്ല. ഇക്കാര്യം മുൻപേ ചെയ്തിരുന്നെങ്കിൽ സുന്നികളും മുജാഹിദുകളും തമ്മിൽ ഇതത്ര മാത്രം തമ്മിൽ തല്ല് ഉണ്ടാകുമായിരുന്നില്ല.. സുന്നികളും രണ്ടാകുമായിരുന്നില്ല. മനുഷ്യരും പള്ളികളും രക്ഷപ്പെടുമായിരുന്നു. ഇന്നത്തെ ഭീഷണമായ അവസ്ഥ മനസ്സിലാക്കി കാന്തപുരവും പാണക്കാട്ടെ തങ്ങന്മാരെ ക്ഷണിക്കണം. അവർ വരാതിരിക്കില്ല. ഏതെങ്കിലും രാഷ്ട്രീയ പാർട്ടിയുടെ മാത്രം നേതൃത്വം എറ്റെടുത്തു ചെറുതാകുന്നതിനു പകരം എല്ലാ പാര്ടികളിലുമുള്ള മുസ്ലിംകളുടെ ആത്‌മീയ നേതൃത്വം ഏറ്റെടുത്തു മുസ്ലികളെ മുഖ്യ ധാരയിലേക്ക് കൊണ്ട് വരാൻ തങ്ങന്മാർ തയ്യാറാകണം. ഇന്നത്തെ അവസ്ഥയിൽ രാജ്യത്തിന്റെ സൗഹൃദം നില നിര്ത്താന് അത് സഹായകമായേക്കും. ഏതെങ്കിലും രാഷ്ട്രീയ പാർട്ടികളുടെ മാത്രം നേത്രത്വം ആ കുടുംബത്തിന്റെ മഹനീയ പദവിക്ക്‌ യോജിക്കുന്നില്ല. ഇസ്‌ലാം എന്ന ശാന്തിയുടെ രാജപാതയിലൂടെ രാജ്യത്തിനു വഴി കാട്ടാൻ മുനവ്വറലി തങ്ങളും കുടുംബവും ചിന്തിക്കുമെങ്കിൽ അതേറ്റവും സന്തോഷകരമായിരിക്കും.തങ്ങന്മാരുടെ വലത്തും ഇടത്തും ഇരിക്കുന്നവർ അവരുടെ സൂഫി സയ്യിദ് പാരമ്പര്യത്തെ അംഗീകരിക്കുന്നവരല്ല.. അധികാരത്തിലേറാനുള്ള കോണിയായി മാത്രമേ ഇവർ ഈ സാത്വികരെ .കാണുന്നുള്ളൂ അവിടത്തെ മന്ത്രങ്ങളോ യന്ത്രങ്ങളോ ഇവർക്ക് വേണ്ട.. ചിന്താ പ്രവാഹത്തെ ചിറ കെട്ടി . പ്രതിരോധിക്കാമെന്നു മത നേതൃത്വങ്ങളും എന്നും വ്യാമോഹിച്ച്‌ പോകണ്ട ]